منتديات سنجل الباسلة
اهلا بك عزيزي الزائر , يجب عليك التسجيـل لتتمكن من المشاركة معنا وتتمتع بجميع المزايا للتفاعل مع أسرة سنجل في جمع التراث الفلسطيني وتراث العرب وحكاياتهم الشعبية هذه الرسالة لن تظهر بعد أن تسجل او تقوم بتسجيل الدخول ان كنت مسجل مسبقا!


منتدى تراثي فلسطيني
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
أهلا وسهلا بكم رواد  منتديات سنجل الباسلة نتمنى لكم أسعد الاوقات

شاطر | 
 

 دلعونا / 55

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صالح صلاح شبانة
المدير العام
المدير العام
avatar

عدد المساهمات : 2459
تاريخ التسجيل : 21/05/2011
العمر : 63
الموقع : الأردن

مُساهمةموضوع: دلعونا / 55   الإثنين مايو 23, 2011 4:01 pm

دلعونا- 55
نماذج تراثية وطنية من الغناء الشعبي الفلسطيني
نظم وتأليف : الداعي بالخير صالح صلاح شبانة

على دلعونا وارخت الغُرّه ، يا لمعة جبهتها أغلى من الدُّرَه
زرعت في قلبي فرح ومَسَرّه ، وغرَّد هواها زي الحَسّونا

إرخيتِ الضفيره عَ الخد الناعم ، خليتِ قلبي مدَلّه وهايم
حبك بقلبي مسترخي ونايم ، مغطى بأشواقي وورد الحنّونا

سمرا وسماره يَمّ الجَدّوله ، يا ورده بندى الصبح مبلوله
محلا الضفاير تسرح محلوله ، عَ الظهر الواسع يتطايرونا

يَمّ الشفايف حَبّ البندوره ، لذعة الزعتر فيها محفوره
يا ما أرسلت كِلّمات وسطورا ، تتردي علينا وما بتردونا

نزلت عَ النبع للميه تمَلّي ، أرخت جدايل ذهب عثملي
ريتك يا حلوه لريقي اتبلّي ، بنظره مليانه رقه وحنونا

يا للي شمختِ وشدّيتِ القامه ،وعزفتِ عَ القلب أحلى أنغامه
يسلم لي خدِّك يَمّ الشامه ، يا للي صدتينا بغمز لِعيونا

يَمّ الجدايل تشعل لهيبي ، خليكِ قبالي وعني ما بتغيبي
ريتك من حظي ومن نصيبي ، وما ينالك غيري يا مزيونا

مرشوفه قطره مثل الرحيقِ ، يا للي نشّفتِ دمي وريقي
و لمّن أشوفك بتطفي حريقي ، وبنسى أيام الشقا الملعونا

على دلعونا وتغزل بالمغزل ، يا ربي يرجع زماني لِوَّل
أسرح بالغنم وانكش بالمعول ، وازرع وطاتي تين وزيتونا

يَمّ العصبه ويا بو الشوره ، عبّوا السحاره حَب البندوره
والله لتجَوّز بنيه غندوره ، وادفع مهرها ألف ومليونا

تقرأ بلهجة أهل سجل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://turathmo5ayam.ahlamuntada.net
 
دلعونا / 55
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سنجل الباسلة :: 
شعبيات الداعي بالخير
 :: دلعونا
-
انتقل الى: