منتديات سنجل الباسلة
اهلا بك عزيزي الزائر , يجب عليك التسجيـل لتتمكن من المشاركة معنا وتتمتع بجميع المزايا للتفاعل مع أسرة سنجل في جمع التراث الفلسطيني وتراث العرب وحكاياتهم الشعبية هذه الرسالة لن تظهر بعد أن تسجل او تقوم بتسجيل الدخول ان كنت مسجل مسبقا!


منتدى تراثي فلسطيني
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول
أهلا وسهلا بكم رواد  منتديات سنجل الباسلة نتمنى لكم أسعد الاوقات

شاطر | 
 

 الفروسية والجحوشية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صالح صلاح شبانة
المدير العام
المدير العام
avatar

عدد المساهمات : 2459
تاريخ التسجيل : 21/05/2011
العمر : 64
الموقع : الأردن

مُساهمةموضوع: الفروسية والجحوشية   الإثنين مايو 23, 2011 3:31 am

الفروسية والجحوشية
من نكشات العبقري زيد أبو قراد
بقلم: صالح صلاح شبانة
Shabanah2007@yahoo.com
يا جماعة الخير ، السلام عليكم ورحمة الله وبركاته ،
هذا يا جماعة الخير الشطاره والفهلوة إشي جميل جداً ،وأنت لما تشوف ولد شاطر بتتمنى انه هالولد يبقى إبنك ،أو يبقى إبنك مثله ، ولمّا تسمع عن واحد مثل صحن الصيني ، من وين ما طرقته رن ، قلبك بنشرح له ، وبتتمنى لو الله سبحانه وتعالى يرزقك واحد مثله ، واذا أحلامك وصلت لحد الشيخوخه ، وما بتقدر تتمنى ها لأمنيه لنفسك بتتمناها لأبنك ، ما اسمه الا امتداد الك ورح يحمل بعد اسم أبوه اسمك...!!!
بس في هناك خطأ ملعون والدين وشاهدين وحُرسي منهم وغاد ، إنهم بعض الناس بعتبروا النصب والدجل واغتصاب حقوق الناس ، والاعتداء على حريات الناس نوع من أنواع القوه والفهلوه وفي ناس بعتبروا الأذى شطاره ، يعني الواحد بقدر يعمل حاله أبو رابوص وبربص على قلوب الناس ويحصي عليهم أنفاسهم....!!!
وناس باختصار شديد بعتبروا الشر قوه ومكسب ، وهذا الخطأ الشنيع ، لأنها الفروسيه،والقوه
والفهلوه ، وإلها أخلاقها ، والها سلوكياتها ، وانت قديش بتبقى عندك فروسيه ، إنت بتبقى بطل، وللفروسيه معايير ، وأهمها الشهامه والنخوه والكرم ، ورفع الضيم والظلم ، والترفع عن الصغائر ، وزمان بقى الفارس بترفع عن منازلة ممن هب ودب ، وما بقى ينازل واحد غير لمّا ينتسب للقوم ، ويبين مين هو من الناس ، وصياد الأسود ما بقى يمَرِّغ سيفه بدم كلب ، والفارس ما بقى يمرغ سيفه الا بدم فارس مثله ، اللي هو أهل لهذاك النزال ....!!!
بس الحرامي والسافل والقرصان ، ببقى يولغ بدم الناس عن جنب وطرف مثل الكلب المسعور ، وشوفو الفرق بين الاثنين ...!!!
اليوم الفروسيه انتهت وصارت مجرد رياضه للناس الهاي هاي ، لأنه اللي مثل أفضالنا سلامة قدرنا ما عنده امكانيه يشتري واحدنا جحش أجرب ، مدبّر ، فكيف عاد بفرس وعدّة الفارس ..؟؟!!
خلوها على الله يا جماعة الخير !! وصارت الخيل للهو والربح الفاحش والخساره الفاحشه للملايين اللي الله بلاهم بهذاك المرض ، مرض المقامره و خسارة الأموال...!!!
وصارو الناس يتبارزوا بأشياء ثانيه ، بالرياضه مثلا ، وكرة القدم بالتحديد ، وهي أصلها انجليزي ، وفيها كل أمراض الأنجليز الخبيثه وهي إثارة النعرات الطائفيه والعنصريه ، وتحويل جمهور الكره لجمهور منتن معفن ، قلما تنتهي مباراه من غير دم وتخريب واصابات ، وتحويل الأمن من حامي أمن البلد ، إلى فصل بين جماعات بتنكش في دبراتها اللي تحت الحلس ، وأحقادها اللي لقيت الملعب المكان الأفضل لتفريغها ، ومرات ربنا الله ببقوا اللاعبين فرسان ، بس الجمهور اللي هدفه التخريب ، بقلبها هم وغم ونكد وعنصريه وبشاعه ، ومرات بصير ضرب القناوي والدبسات لأبو موزه ، وبروح تحت أقدام طوفانهم جرحى وقتلى ، لا الهم ناقه ولا بعير ، وصارت ها للعبه الممتعه تفريغ لأحقاد مبيته ، وتصفية حسابات وأحقاد شخصيه ، الرياضه بريئه منها براءة الذيب من دم يوسف الصدّيق ...!!!
وهون يا جماعة الخير طق طقتك العافيه ، ولاّ الفروسيه صارت جحوشيه ، لا بل الجحوش عندها فطره أسلم لأنها ما بتسبب الأذى اللي بسببوه البشر لأنفسهم ....!!!
صار مثلا رياضه اسمها الرالي ، او سباق السيارات ، بنزلوا المتسابقين لأماكن خاليه من الناس ، أو المناطق الصحراويه ، اللي ما بلحقوا في الناس الضرر ، وبتسابقوا وبستمتعوا بوقتهم وبسعدوا الناس اللي بحبوا هذي الرياضه ، واذا في خطر فالخطر عليهم وعلى سياراتهم ...!!
بس لما شوفرية عمومي اثنين محمل كل واحد فيهم (30) راكب ويتسابقوا مشان مين اللي يقنص الراكب قبل الثاني ، بدون أي اعتبار للراكب ولا للماشي ، هذي أمانة الله عليكم اسمها فروسيه ولاَّ جحوشيه ..؟؟؟
واللي عنده سياره فدعوسه ، فطسه ومهيونه كل اشي فيها بزمر الا زامورها ، ومسلمها لأبنه المراهق يتزعرن فيها ويؤذي عباد الله ، واذا ساوى حادث ما بخلي صرمايه الا وباسها تيطلع من ها لحيونه اللي حط حاله فيها ، فبدينكم وايمانكم ، هذي فروسيه ولاَّ جحوشيه...؟؟؟!!!
فيا جماعة الخير ، يعني إحنا بين الشاكوش والسنديان ، مطروقين ، مضروبين ، حال الويل والبين حالنا ...!!!
احنا بنحب وبنحترم الفرسان والفروسيه ، والفروسيه شرف ، والفارس من أعلى الأوسمه والألقاب عند الأنجليز ، والفرس عند العرب عز وبطنها كنز وبصمات حوافرها وسنابكها لا زالت حاضره على كل تاريخنا وفتوحاتنا وانتصاراتنا ...!!!
واللي بده يصير فارس هذاااااااااك هو الميدان ..يا حميدان ، وما يخلي في ظل ها لنظام الأعوج اللي الحق مبنج ومخدر ، والباطل بسرح وبمرح ، وما يخلوا أجساد وأرواح وكرامات الناس مكسر عصا لأوهامهم ...،
وخاطركم مع السلامه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://turathmo5ayam.ahlamuntada.net
سلامه تسلمك



عدد المساهمات : 24
تاريخ التسجيل : 12/04/2015

مُساهمةموضوع: رد: الفروسية والجحوشية   السبت مايو 02, 2015 7:17 pm

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ السلام عليكم
ابطال ترافيان
http://trv-sa.com/ts4/register.php?ref=14
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفروسية والجحوشية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سنجل الباسلة :: 
شعبيات الداعي بالخير
 :: نكشات زيد أبو قراد
-
انتقل الى: